ჩვენ, როგორც ევროკავშირის მომავალი თავმჯდომარე ქვეყანა, მზად ვართ, რიგის სამიტისთვის საქართველოსთან ერთად ვიმუშაოთ, - ამის შესახებ, საქართველოში ოფიციალური ვიზიტით მყოფმა ლატვიის საგარეო საქმეთა მინისტრმა ედგარს რინკევიჩსმა ჟურნალისტებს განუცხადა.
მისი თქმით, ამ ვიზიტით, ლატვია საქართველოს ევროატლანტიკური მისწრაფების მხარდაჭრას კიდევ ერთხელ ადასტურებს.
"ვიზიტის მიზანია, კიდევ ერთხელ დავადასტუროთ საქართველოს ევროატლანტიკური მისწრაფების მხარდაჭრა. ჩვენ, როგორც ევროკავშირის მომავალი თავმჯდომარე ქვეყანა, მზად ვართ, რიგის სამიტისთვის საქართველოსთან ერთად ვიმუშაოთ და იმედსი გვაქვს, რომ ვიზის ლიბერალიზაციის პროგრამის ბოლომდე მიყვანას შევძლებთ. ლატვია ყოველთვის უჭერდა მხარს საქართველოს ტერიტორიულ მთლიანიობას. ჩვენ დავგმეთ ე.წ. ხელშეკრულების გაფორმება, რომელიც საქართველოს ტერიტორიული მთლინობისა და საერთაშორისო კანონმდებლობის დარღვევაა. ჩვენ უკვე ვხედავთ, რომ უკრაინის მოვლენები ინაცვლებს კავკასიაში და საერთაშორისო საზოგადოება მზად უნდა იყოს ამ გამოწვევებისთვის" - განაცხადა რინკევიჩსმა.
