საქართველოს ეკონომიკისა და მდგრადი განვითარების მინისტრ, ვიცე-პრემიერ გიორგი კვირიკაშვილის განცხადებით, ლატვია არის საქართველოს ძლიერი მხარდამჭერი ევროინტეგრაციის და ევროატლანტიკური ინტეგრაციის გზაზე.
"ლატვია არის საქართველოს ძლიერი მხარდამჭერი ევროინტეგრაციის და ევროატლანტიკური ინტეგრაციის გზაზე. ჩვენ გვინდა, რომ ეკონომიკური ურთიერთობები, რომელიც სამწუხაროდ არ არის დღეს მასშტაბური, შევუსაბამოთ იმ ძალიან ფართო და მჭიდრო პოლიტიკურ ურთიერთობებს, რომელიც არსებობს საქართველოსა და ლატვიას შორის", - განაცხადა გიორგი კვირიკაშვილმა.
მისივე თქმით, ლატვიის პრეზიდენტის ანდრის ბერზინშის
საქართველოში ოფიციალური ვიზიტის ფარგლებში, იგეგმება ორმხრივი შეხვედრები. გათვალისწინებულია, ორი ბიზნესფორუმი და შეხვედრა ბათუმში.
ლატვიის პრეზიდენტი ანდრის ბერზინში საქართველოს ქვეყნის პრეზიდენტის გიორგი მარგველაშვილის მოწვევით ესტუმრა.
ლატვია მომავალ წელს ევროკავშირის თავმჯდომარე ქვეყანა იქნება. სწორედ ამიტომ, ვიზიტს საქართველოში განსაკუთრებული მნიშვნელობა ენიჭება.
