საქართველოში ამერიკის შეერთებული შტატების ელჩი რიჩარდ ნორლანდი დიდი დიღმის საუნივერსიტეტო კამპუსში იმყოფებოდა, სადაც კახა ბენდუქიძის ოჯახსა და ახლობლებს მიუსამძიმრა.
"ბევრ ამერიკელს, ამერიკის მთავრობასა და საელჩოში კახა ბენდუქიძესთან მუშაობის შესაძლებლობა ჰქონდა. მინდა, გამოვხატო თანაგრძნობა ოჯახისა და საქართველოს მიმართ. კახა ბენდუქიძის მემკვიდრეობა მის ძალიან წარმატებულ უნივერსიტეტებში განაგრძობს არსებობას", - განაცხადა ნორლანდმა.
დიდი დიღმის საუნივერსიტეტო კამპუსში ეკონომიკის ყოფილი მინისტრისა და "თავისუფალი უნივერსიტეტის" დამფუძნებლის კახა ბენდუქიძის
პანაშვიდი მიმდინარეობს. უნივერსიტეტში ასევე იმყოფებიან პოლიტიკოსები.
ეკონომიკის ყოფილი მინისტრის კახა ბენდუქიძეს, დღეს, 22 ნოემბერს, მისი სურვილის შესაბამისად კუკიას სასაფლაოზე დაკრძალავენ.
