ვიცე-პრემიერის, ენერგეტიკის მინისტრის კახი კალაძის განცხადებით, 15 ნოემბერს ,,ნაციონალების" ჩატარებული აქცია კიდევ ერთი პოლიტიკური ბლეფი იყო, რომელიც საქართველოს ყოფილი პრეზიდენტის მიხეილ სააკაშვილის თვითპიარს ემსახურებოდა.
"15 ნოემბერს ჩატარებული აქცია კიდევ ერთი პოლიტიკური ბლეფი იყო. ეს იყო მიხეილ სააკაშვილის თვითპიარის მცდელობა. ეს ადამიანი ყველაფერს აკეთებს, რომ თავის სასარგებლოდ გამოიყენოს ქვეყნის ისტორია, ტრაგიკულად დაღუპული გმირები და წინა დღეს გარდაცვლილი მეგობარიც. ჩვენი კურსი მთელმა მსოფლიომ იცის, გარდა გარკვეული დაჯგუფებისა, გარკვეული სექტისა, რომელსაც "ნაციონალური მოძრაობა" ჰქვია", _განაცხადა კალაძემ და აღნიშნა, რომ ქვეყნის ევროპული კურსი შეუქცევადია.
,,საქართველოს ევროატლანტიკური კურსი არის ქართველი ხალხის არჩევანი და მთავრობა ყველაფერს აკეთებს, რომ მოხდეს ევროატლანტიკურ სტრუქტურებში ქვეყნის ინტეგრაცია", - განაცხადა ჟურნალისტებთან კახა კალაძემ.
შეგახსენებთ, რომ 15 ნოემბერს, ,,ნაცმოძრაობამ" საპროტესტო აქციაგამართა. აქციის მიზანი საქართველოს ანექსიის გაპროტესტება და აღნიშნულთან დაკავშირებით ხელისუფლების უმოქმეედობა იყო.
