ევროინტეგრაციის საკითხებში ყოფილი სახელმწიფო მინისტრი, პარტია "თავისუფალი დემოკრატების" წევრი ალექსი პეტრიაშვილი, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრად დავით ბაქრაძის დაინიშნას სოციალური ქსელით ეხმიანება.
პეტრიაშვილი კოლეგას წარმატებას უსურვებს.
"ჩემს კოლეგას, მეგობარს, კარგ ქართველს და პატრიოტ კაცს, დავით ბაქრაძეს ვუსურვებ წარმატებას, გამარჯვებას და საქართველოს ევროპული და ევროატლანტიკური მიზნების ბოლომდე რეალიზებაში თავისი უმნიშვნელოვანესი წვლილის შეტანას! სრული მხარდაჭერა ჩემი მხრიდან დავით ბაქრაძეს", - აცხადებს პეტრიაშვილი.
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრად დავით ბაქრაძის დანიშვნის შესახებ ბრძანებას ხელი საქართველოს პრემიერ-მინისტრმა უკვე მოაწერა.
