ეს არის ბიძინა ივანიშვილის ხელისუფლების 2 წლიანი მმართველობის განაჩენი, რომელიც დემოკრატიული გზით იქნება სისრულეში მოყვანილი, - ამის შესახებ, "ერთიანი ნაციონალური მოძრაობის" წევრმა გიგა ბოკერიამ, ჟურნალისტებს რუსთაველის გამზირზე მიმდინარე აქციაზე განუცხადა. მის თქმით, აქციის მიზანი, არა მხოლოდ საქართველოს მთავრობის, არამედ მთელი მსოფლიოს მიმართოს.
"მთავარი გზავნილია, რომ ქართული საზოგადოება არასოდეს შეეგუება საქართველოს სუვერენიტეტის, ტერიტორიული მთლინობის, ევროპული არჩევანის შელახვას და მეორე, გზავნილი ბიძინა ივანიშვილის ხელისუფლებას - ეს არის მისი ორწლიანი მმართველობის განაჩენი. განაჩენია ის, რომ საქართველოს არ სჭირდება ხელისუფლება, რომელსაც არ აქვს ხედვა დაიცვას მისი ინტერესები და უსაფრთხოება. ეს განაჩენი დემოკრატიული გზით იქნება სისრულეში მოყვანილი, თუ ხელისუფლება ამ გზას გააგრძელებს", - განაცხადა ბოკერიამ.
ნაციონალური მოძრაობის" მიერ ორგანიზებული საპროტესტო აქციის, "არა ანექსიას" -მონაწილეებმა "ვარდების მოდენიდან" პარლამენტის შენობის მიმართულებით მსვლელობით გაემართნენ.
აქტივისტებს "ვარდების მოედანზე" რეგიონებიდან მომავალი კოლონებიც შეუერთდნენ, რომლებიც დღეს დილით აქციაში მონაწილეობის მისაღებად, გამოემგზავრნენ.
წინასწარი ინფორმაციით, აქცია 19:00 საათამდე გაგრძელდება.
