რუსთაველის გამზირზე დაგეგმილ საპროტესტო აქციას თბილისის მერი დავით ნარმანია ეხმაურება. მისი თქმით, თითოეულ ადამიანს და პოლიტიკურ ჯგუფს, აქვს საშუალება გამოხატოს საკუთარი აზრი.
მისივე ინფორმაციით, მერიამ საპროტესტო აქციის გამართვის შესახებ შეტყობინება მიიღო და შესაბამისად, დედაქალაქის მთავრობის ხელთ არსებული ყველა ადმინისტრაციული მექანიზმი იქნება გამოყენებული, რომ აქციამ მშვიდად ჩაიროს.
"ჩვენი ხელისუფლება პატივს სცემს სიტყვისა და აზრის გამოხატვის თავისუფლებას. თითოეულ ადამიანს, პოლიტიკურ ჯგუფს აქვს საშუალება გამოხატოს თავისი აზრი, რასაკვირველია, იმ ნორმების ფარგლებში, რაც დადგენილია მოქმედი კანონით", - განაცხადა მერმა.
შეგახსენებთ, რუსეთის მიერ საქართველოს ტერიტორიის ოკუპაციასა და ანექსიის მცდელობის წინააღმდეგ ,,ნაცმოძრაობა" საპროტესტო აქცია ლოზუნგით, " არა ოკუპაციას" - ვარდების მოედანზე 16:00 საათზე დაიწყება და 19:00 საათამდე გაგრძელდება.
