მინისტრ ბერუჩაშვილს საქართველოს საგარეო კურსთან დაკავშირებით, მკაფიო გეგმა აქვს -ამის შესახებ, - შეერთებული შტატების ელჩმა საქართველოში, რიჩარდ ნორლანდმა საგარეო საქმეთა მინისტრ თამარ ბერუჩაშვილთან შეხვედრის შემდეგ განაცხადა.
"ეს იყო ჩემი პირველი შეხვედრა მინისტრ ბერუჩაშვილთან. მას საკმაოდ მკაფიო გეგმა აქვს საქართველოს საგარეო კურსთან დაკავშირებით. რამდენიმე საკითხს შევეხეთ, მათ შორის იყო საქართველოს წინაშე მდგარი გამოწვევები და უკრაინაში არსებული მდგომარეობა. ასევე ვისაუბრეთ აფხაზეთსა და სამხრეთ ოსეთზე. ჩემი მესიჯია, რომ წინა მინისტრის შემთხვევაშიც და ახლაც, შერთებული შტატები საქართველოს მხარს სრულად უჭრს",- განაცხადა ნორლანდმა.
თამარ ბერუჩაშვილი საქართველოს საგარეო მინისტრის პოსტზე დანიშვნის შემდეგ, ამერიკის შეერთებული შტატების ელჩს საქართველოში პირველად შეხვდა.
შეხვედრა საგარეო საქმეთა სამინისტროში გაიმართა.
