პარლამენტის წესებისა და საპროცედურო საკითხთა კომიტეტის თავმჯდომარე გიორგი კახიანის თქმით, თუ უმრავლესობის გადაწყვეტილებით, ფრაქცია "თავისუფალი დემოკრატების" წევრი, ზურაბ აბაშიძე დარჩება ვიცე-სპიკერად, ეს პარლამენტის რეგლამენტთან წინააღმდეგობაში არ იქნება. მისივე განმარტებით, აბაშიძის ვიცე-სპიკერის პოსტიდან გაწვევის შესახებ, გადაწყვეტილება საპარლამენტო უმრავლესობამ უნდა მიიღოს.
"ზურაბ აბაშიძე პარლამენტის ვიცე-სპიკერის პოსტზე უმრავლესბის მიერ არის არჩეული და უმრავლესობის გადასაწყვეტია დარჩება არა ის ამ პოსტზე. თუ უმრავლესობის გადაწყვეტილებით, ზურაბ აბაშიძე დარჩება ვიცე-სპიკერად, ეს რეგლამენტთან წინააღმდეგობაში არ იქნება, მაგრამ უმრავლესობა მიიღებს პოლიტიკურ გადაწყვეტილებას, რომ ვიცე-სპიკერი არ შეიძლება იყოს უმრავლესობის მიერ დასახელებული და ამავდროულად, უმრავლესობის გარეთ მყოფი პარლაენტის წევრი, ასეთ შემთხვევაში, უმრავლესობას შეუძლია ვიცე-სპიკერი გამოიწვიოს", - აცხადებს კახიანი.
გაიწვევს თუ არა უმრავლესობა ვიცე-სპიკერის პოსტიდან ზურაბ აბაშიძეს დღეს, უმრავლესობის სხდომის დასრულების შემდეგ გახდება ცნობილი.
