ამერიკის შეერთებული შტატების საგანგებო და სრულუფლებიანი ელჩი საქართველოში რიჩარდ ნორლანდი, ქვეყანაში ბოლო დღეების განმავლობაში განვითარებულ მოვლენებს კიდევ ერთხელ ეხმიანება. როგორც ნორლანდი აღნიშნავს, შტატების მხარდაჭერა საქართველოს მთავრობის მიმართ კვლავ მტკიცეა და იმედს გამოთქვამს, რომ საქართველოს მთავრობა ახალ მინისტრებს უახლოეს დღეებში დაამტკიცებს.
"ორშაბათი დილაა და იმედი მაქვს, რომ ნორმალური კვირის დასაწყისი იქნბა საქართველოში. მთავრობაში ალბათ მოხდება შევსება. ჩემი მხრიდან არ იქნება სათანადო, რომ საქართველოს შიდა პოლიტიკურ საკითხებზე ვისაუბრო.
მე შემიძლია ვისაუბრო ზოგად მიმართულებებზე, გამოვხატო ჩემი სურვილი და იმედი, რომ თანამშრომლობა კვლავ მტკიცე იქნება. ჩვენ გვაქვს საერთო მიზნები რეგიონში მშვიდობის, კეთილდღეობის და დემოკრატიის დასამყარებლად", - განაცხადა რიჩარდ ნორლანდმა.
ეს განცხადება რიჩარდ ნორლანდმა სისხლის სამართლებრივი გამოძიების ინსტრუქტორთა კურსის გახსნაზე გააკეთა, რომელსაც შს მინისრის მოადგილე ლევან იზორიაც დაესწრო.
