ობიექტური ანალიზის ვაკუუმი გაჩნდა, ბევრი შეცდომების მიზეზი ესეც არის და მე ამაზე ვზრუნავ, - განაცხადა ყოფილმა პრემიერმა ბიძინა ივანიშვილმა "მოამბისთვის" მიცემულ ინტერვიუში.
მისი თქმით, დღეს არის იდეალური სიტუაცია, პირველად უახლეს ისტორიაში ხელისუფლებას არ აქვს თავისი საინფორმაციო ტელევიზია, რაც არის ძალიან კარგი.
"ამავდროულად, არსებობს "რუსთავი 2", რომელიც პირდაპირ აგიტაციას უწევს "ნაციონალურ მოძრაობას, ასევე რამდენიმე კერძო ტელევიზია, რომელთაც თავიანთი ბიზნესინტერესი აქვთ. ძალიან ხშირად ჭირს ობიექტური ინფორმაციის მიწოდება საზოგადოებისთვის. ვფიქრობ, მედიას აკლია კვალიფიციური ანალიზი. ობიექტური ანალიზის ვაკუუმი გაჩნდა და ეს აბნევს ძალიან ბევრ პოლიტიკოსს თუ ექსპერტს. ამის გამო ისინი ბევრ შეცდომას უშვებენ. რაც დღეს ხდება, ბევრი შეცდომების მიზეზი ესეც არის და მე ამ შეცდომებზე უკვე ვზრუნავ", - განაცხადა ივანიშვილმა.
