მაია ფანჯიკიძეს ჰქონდა დემონსტრაციულად მოადგლეების გაყოლების მცდელობა, - განაცხადა საქართველოს პრემიერ-მინისტრმა ირაკლი ღარიბაშვილმა მთავრობის წევრებთან დღევანდელ შეხვედრაზე.
პრემიერის თქმით, საგარეო საქმეთა მინისტრის ყველა მოადგილე, დავით ზალკალიანის გარდა, თანამდებობაზე რჩება.
.
"არსებული ვითარების გათვალისწინებით მათ სახელმწიფოებრივი პოიზიცია დაიკავეს" - განაცხადა პრემიერმა.
"ბოლო 2 დღის განმავლობაში მე მომიწია ასეთ აბსურდულ განცხადებებზე საჯარო განმარტების გაკეთება იმისთვის, რომ საბოლოოდ გაგვექარწყლებინა შესაძლო კითხვები და ეჭვები, რაც მათ აბსურდულ განცხადებებს უკავშირდებოდა. თუნდაც ის, რომ მაია ფანჯიკიძეს ჰქონდა დემონსტრაციულად მოადგლეების გაყოლების მცდელობა, დასტურებს მათ უპასუხისმგებლობას და უაპტივცემულობას ჩვენი გუნდის წინაშე. ეს ადამიანები სამი წლის განამვლობაში იყვნენ ჩვენთან ერთად ყოველდღე და როგორ შეიძლება ეს ყველაფერი ერთი ხელის მოსმით დაივიწყონ და უარი უთხრან იმ გამარჯვებას, რომელსაც მივაღწიეთ ბატონ ბიძინა ივანიშვილთან ერთად. ძალიან სამწუხაროა ჩემთვის", - განაცხადა ღარიბაშვილმა.
შეგახსენებთ, რომ საგარეო საქმეთა მინისტრმა მაია ფანჯიკიძემ 5 ნოემბერს საგანგებო ბრიფინგზე განაცხადა, რომ თანამდებობა ოთხ მოადგილესთან - დავით ზალკალიანთან, თამარ ბერუჩაშვილთან, ვლადიმერ გურგენიძესა და დავით ჯალაღანიასთან ერთად დატოვა.
