ყირიმისა და დონბასის აგრესიაზე არასაკმარისო რეაქციის გამო რუსეთის პრეზიდენტი ვლადიმერ პუტინი ახლა, მორიგი დარტყმისთვის, ახალ სამიზნეს ირჩევს, რომელიც შესაძლოაც აღმოჩნდეს არა მხოლოდ უკრაინა, არამედ ბალტიის ქვეყნები, აზერბაიჯანი, საქართველო და ყაზახეთი. ამის შესახებ რუსეთის ოპოზიციის ერთ-ერთმა ლიდერმა გარი კასპაროვმა „რადიო თავისუფლებას" განუცხადა.
„შესაძლოა, ვიღაც დასავლეთში მზად იყო დათანხმებოდა ყირიმის აგრესიას. მაგრამ არ ვფიქრობ, უახლოეს მომავალში ვიხილოთ დასავლეთის სახელმწიფოები, რომლებიც მზად იქნებიან ეს აღიარონ. რა თქამა უნდა არაერთი დასავლელი პოლიტიკოსი, შესაძლოა, საკუთარი ინტერესის და პოლიტიკური სიმხდალის გამო მზად არის ამაზე წავიდეს. ეს უკვე გავიარეთ 1938 წელს. ასეთი პოლიტიკის შედეგი არა პუტინის რეჟიმის ვარდნა, არამედ შემდგომი აგრესია იქნება", - აცხადებს კასპაროვი.
კასპაროვი მიიჩნევს, რომ ახლა რაიმე სახის კომპრომისის ძიება აგრესიის წახალისებაა.
„ყირიმში რომ სატანადო პასუხი მიეღოთ არ იქნებოდა დონბასი... ჩემი აზრით, ამჟამად პუტინი ირგვლივ იყურება და შემდგომი დარტყმისთვის სამიზნეს ირჩევს. ეჭვის შეტანაც არ არის საჭირო, რომ მას საკმაოდ დიდი არჩევანი აქვს შემდგომი დარტყმისთვის - ბალტიისპირეთი, უკრაინა, აზერბაიჯანი, საქართველო და ყაზახეთი", - განაცხადა კასპაროვმა.