ყოფილი დიპლომატის ეროსი კიწმარიშვილის ავტომანქანაში ბალისტიკური ექსპერტიზა ჩატარდა, როემლიც , ქალაქის მთავარ სამმართველოში სამ საათზე მეტხანს გაგრძელდა.
ექსპერტიზის შედეგად აღადგინეს ის სურათი, თუ რა მდგომარეობაში იყო ეროსი კიწმარიშვილი გარდაცვალებამდე.
ეროსი კიწმარიშვილი ძმა, ზურა კიწმარიშვილი ფიქრობს, რომ ეროსი კიწმარიშვილი გარდაცვალებამდე მარტო არ ყოფილა.
„ძალიან მჭიდროდ იყო სკამზე გადაწოლილი. მიბჯენილი იყო მთლიანად, ზურგით და ეს მაფიქრებინებს სხვა ვითარებაზე, რომელიც იმ მომენტში შესაძლოა ყოფილიყო. ისეთ ვითარებაზე, რომ გარდაცვლილის გარდა მანქანაში იყო პიროვნება, რომელიც ღვედით ან რაიმე სხვა საშუალებით უკნიდან ეწეოდა და ცდილობდა, რომ რაც შეიძლება ყოლოდა კონტროლში გარდაცვლილი და მოეხდინა მერე სხვადასხვა რაღაც მოქმედებები", - განაცხადა ზურა კიწმარიშვილმა ,,რუსთავი-2'_თან საუბარში.
შეგახსენებთ, რომ 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს. კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
