რუსეთის ფედერაციის პრემიერ მინისტრი ვლადიმერ პუტინი რუსეთის შს მინისტრს რაშიდ ნურგალიევს ჩრდილო კავკასიაში, კერძოდ კი დაღესტანში, მილიციის დანაყოფების გაძლიერებას ავალებს.
"ჩრდილო კავკასიის რეგიონში, მათ შორის დაღესტანში, მილიციის დანაყოფები უნდა გაძლიერდეს. ნახეთ, რისი გაკეთება არის საჭირო და წარმოადგინეთ წინადადებები", _ განაცხადა დღეს ვლადიმერ პუტინმა მთავრობის პრეზიდიუმის სხდომაზე.
ამასთან, რუსეთის პრემიერი არ გამორიცხავს, რომ დაღესტანში ორგანიზებული ტერაქტი იმავე ადამიანების მიერ არის დაგეგმილი, რომლებმაც ტერაქტთა სერია მოსკოვის მეტროპოლიტენში მოაწყვეს.
"არ გამოვრიცხავ, რომ ერთი და იგივე ბანდიტები მოქმედებდნენ", _ განაცხადა ვლადიმერ პუტინმა.