1 სექტემბერიდან მიგრაციის საკითხებტან დაკავშირებით შესულ ცვლილებებს სპეციალური განცხადებით გამოეხმაურა მიგრაციის საერთაშორისო ორგანიზაცია. ორგანიზაციის შეფასებით ახალი კანონის მიზანია პოზიტიური ასპექტები შეიტანოს მიგრაციულ მართვაში. განცხადებაში აღნიშნულია, რომ IOM გააგრძელებს იმიგრაციისა და საზღვრის მართვის სფეროში საუკეთესო პრაქტიკის გაზიარებას საქართველოს ხლეისუფლებისთვის.
„უცხოელთა და მოქალაქეობის არმქონე პირთა სამართლებრივი მდგომარეობის შესახებ" საქართველოს კანონი 2014 წლის 1 სექტემბერს ამოქმედდება. ახალი კანონის ერთ-ერთი მიზანია ქვეყნის ტერიტორიაზე დაშვებისა და ვიზების გაცემის საკითხების ეფექტიანად, საერთაშორისო სტანდარტებისა და არსებული საუკეთესო პრაქტიკის შესაბამისად რეგულირება. ამ კანონის განსაკუთრებით პოზიტიური ასპექტი უფრო მეტი სიცხადის უზრუნველყოფაა, კერძოდ იმ პირთა კატეგორიების მკაფიოდ განსაზღვრა, რომლებსაც ვიზების აღება მოეთხოვებათ, ასევე ვიზების კლასიფიკაცია მათი მიზნის გათვალისწინებით: ტურსიტული, სამუშაო, სასწავლო. დარეგულირდა ქვეყანაში ცხოვრების ნებართვების გაცემის წესიც. საქართველოს მთავრობასთან ურთიერთობისას, IOM გააგრძელებს იმიგრაციისა და საზღვრის მართვის სფეროში საუკეთესო პრაქტიკის ადვოკატირებას, რათა უზრუნველყოს სათანადო ბალანსი გამარტივებულ ლეგალურ მგზავრობასა და არარეგულარული მიგრაციის მართვას შორის,"-აღნისნულია განცხადებაში.
