საქართველოში შესაძლოა ნატოს სამხედრო-საწვრთნელი ცენტრი შეიქმნას. ამის შესახებ განცხადება უელსის სამიტის წინ გამართულ ბოლო პრესკონფერენციაზე ანდერს ფოგ რასმუსენმა გააკეთა. ნატოს გენერალური მდივნის განცხადებით. 4-5 სექტემბერს დაგეგმილ სამიტზე საქართველო თანამშრომლობის ახალ პაკეტს მიიღებს, რომელიც საქართველოს ნატოსთან უფრო დააახლოებს. საუბარია საქართველოს მონაწილეობის გააქტიურებაზე ნატოს სამხედრო წვრთნაზე და საქართველოში სამხედრო-საწვრთნელი ცენტრის შექმნაზე.
„პაკეტი, რომელსაც საქართველო მიიღებს უფრო მეტად დააახლოებს ნატოსთან. შევქმნით თავდაცვის შესაძლებლობებისთვის სპეციალურ მისიას, რომელიც ყურადღებას გაამახვილებს სამინისტროზე და მათ დაეხმარება უსაფრთხოების და თავდაცვის სექტორის მოდერნიზებაში. ალიანსის წვრთნებში მონაწილეობის გააქტიურებით გავაგრძელებთ ძალისხმევას საქართველოს შეიარაღებული ძალების შესაძლებლობების გასაძლიერებლად, რომ მათ უკეთ იმუშაონ ნატოს შენაერთებთან ერთად. სამხედრო წვრთნები შესაძლოა ორგანიზებული იყოს საქართველოში. ასევე, განვიხილავთ სამხედრო საწვრთნელი ცენტრის შექმნას და სამეკავშირერო ოფისის გაფართოებას",-განაცხადა ანდერს ფოგ რასმუსენმა