დღეს, 31 აგვისტოს, პრინცესა დაიანას ტრაგიკული სიკვდილიდან 17 წელი შესრულდა. დაიანა 1997 წლის 31 აგვისტოს პარიზში ავტოკატასტროფის დროს დაიღუპა.
დაიანა სპენსერი 1961 წლის 1-ელ ივლისს სანდრიგემში, ნორფოლკში დაიბადა. ის იყო პრინც ჩარლზის პირველი ცოლი და ბრიტანეთის ტახტის მემკვიდრე.
პრინცესა დაიანა, ლედი დაიანა ან ლედი დი. დაიანა გრაფ სპენსერის ქალიშვილი და სპენსერ-ჩერჩილების ოჯახის წარმომადგენელი იყო, საიდანაც ჰერცოგი მელბურნი და უინსტონ ჩერჩილი იყვნენ.
დაიანამ პრინცი ჩარლზი საქველმოქმედო საღამოზე გაიცნო, 1981 წელს კი ცოლად გაჰყვა. ერთი წლის თავზე პირველი ვაჟი უფლისწული უილიამი შეეძინათ, 1983 წელს კი მეორე ვაჟი ჰარი დაიბადა.
ამჟამად, ლონდონის პოლიცია, 1997 წელს პარიზში პრინცესა დიანას და დოდი ფაიედის გარდაცვალებასთან დაკავშირებით მიღებულ, ახალ ინფორმაციას სწავლობს.
პოლიციაში საუბრობენ, რომ ისინი ამჟამად აფასებენ მიღებულ ინფორმაციას, მის სანდოობას, მაგრამ გამოძიების განახლებაზე ჯერ-ჯერობით საუბარი არააა.
პოლიცია არ აკონკრეტებს მის ხელთ არსებულ ახალ ვერსიას. სკოტლანდ იარდში მიჩნევენ, რომ 2008 წელს ჩატარებული გამოძიება სწორად წარიმართა და ამომწურავი იყო.
2008 წელს სასამართლომ დაადგინა, რომ წყვილი დიანას მძღოლის, ანრი პოლის გაუფრთხილებლობის გამო დაიღუპა.
ნაფიც მსაჯულთა სასამართლომ სწორედ მძღოლი და ფოტოგრაფი-პაპარაცები დაადანაშაულა დიანასა და დოდის დაღუპვაში.
მოჰამედ ფაიედი, დოდი ფაიედის მამა, რომელიც იმ დროისთვის ლონდონის უნივერმაღ Harrods-ის მფლობელი იყო, არ დაეთანხმა ნაფიც მსაჯულთა ვერდიქტს.