თბილისის მერი დავით ნარმანია მარიამობის ბრწყინვალე დღესასწაულზე ბორჯომის ხეობაში არსებულ ბავშვთა საზაფხულო ბანაკს ეწვია და იქ დამსვენებელ მოზარდებს მარიამობის დღესასწაული მიულოცა, მათ საცხოვრებელ პირობებს გაეცნო და მარიამობის დღესასწაულისადმი გამართულ კონცერტს დაესწრო. ბავშვთა და მოზარდთა დასვენება-გაჯანსაღების პროგრამის ფარგლებში ბაკურიანში ამჟამად 300 მოზარდი ისვენებს.
პროგრამით მიმდინარე ზაფხულის განმავლობაში, საქართველოს სხვადასხვა კურორტზე ეტაპობრივად სულ 3 000 ბავშვი სარგებლობს. შერჩევისას პრიორიტეტი სოციალურად დაუცველი ოჯახების ბავშვებს მიენიჭათ.
დავით ნარმანიას თქმით: აღნიშნულ სპეციალურ პროგრამას თბილისის ბიუჯეტი აფინანსებს, რომლის ფარგლებში სოციალურად დაუცველი ოჯახების ბავშვები ბორჯომში, ბაკურიანსა და სხვადასხვა კურორტზე ისვენებენ. ეს მნიშვნელოვანი შეღავათია იმ ოჯხებისთვის, ვინც ვერ ახერხებს ზაფხულის განმავლობაში ბავშვების დასვენებას. ბანაკებში ბავშვები სპორტულ და კულტურულ აქტივობებში მონაწილეობენ და ყველა იმ სერვისს იღებენ, რაც ზრდისა და განვითარებისთვის სჭირდებათ. პროგრამა გრძელდება და თბილისელებს შესაძლებლობა აქვთ ამ პროექტით ისარგებლონ.