თბილისის მერიამ სითი პარკთან დადებული ხელშეკრულება გაასაჯაროა. როგორც დედაქალაქის ვიცე-მერმა ალექსანდრე მარგიშვილმა განაცხადა, ხელშეკრულება მთლიანად კომპანიის კომერციულ ინტერესებსაა მორგებული.
მისივე თქმით, ხელშეკრულება არანაირად არ ითვალისწინებს არც რიგითი თბილისელებისა და არც მერიის ინტერესებს,
"დაწყებული თანხების ამოღებით, განაწილებით, დამთავრებული იმით, თუ როგორ შეიძლება ხელშეკრულების მოშლა. ყველა ასპექტი გათვლილია იმაზე, რომ სითი პარკმა დაუმსახურებლად დააგენერიროს უზარმაზარი შემოსავლები, მოგება და თბილისის ხელმძღვანელობას არ ჰქონდეს საშუალება, შეაჩეროს ან შეზღუდოს ხელშეკრულება. "- განაცხადა ვიცე-მერმა და დასძინა, -„ხელშეკრულება განსაზღვრავს სითი პარკს თბილისელებისგან ფულის ამომღებ ორგანიზაციად, რომელიც ამ ამოღებული ფულიდან დიდ ნაწილს საკუთარ ანგარიშზე იტოვებს. არანაირ ამის საპირწონე ინვესტიციას ეს კომპანია არ ახორციელებს და საერთოდ გაუგებარია რატომ დაიქირავა მერიამ კერძო კომპანია, მაშინ როცა ნაკლები დანახარჯით და ეფექტიანად ამას შეძლებდა თვითონ მუნიციპალიტეტი" .
ვიცე მერმა აღნიშნა, რომ ამჟამად მერია სითი პარკთან მოლაპარაკებებს აწარმოებს რათა ეს პირობები შეიცვალოს.
მასალის გამოყენების პირობები
