ხუთი კაცის ლიდერიც რომ იყოს, იმ ხუთი კაცის ლიდერია და შესაბამისად, არ იმსახურებს ტერმინს - მარიონეტი, - ასე უპასუხა საპარლამენტო უმრავლესობის წევრი თინა ხიდაშელმა ჟურნალისტის შეკითხვას რამდენად სწორია საოკუპაციო რეჟიმის მარიონეტ პრეზიდენტთან საუბარი. უმრავლესობის წევრი აღნიშნავს, რომ აფხაზეთის არც ერთი ე.წ. ხელისუფლება არც ერთხელ მარიონეტად არ მოუხსენებია და არც აპირებს.
"მარიონეტის ძახილი არავის ღირსებას არ სძენს. იმის მიუხედავად, რასაც არ უნდა ვფიქრობდეთ ჩვენ, ის არის მხარე, რომელსაც უნდა ველაპარაკოთ.
"ხუთი კაცის ლიდერიც რომ იყოს, იმ ხუთი კაცის ლიდერია და შესაბამისად, არ იმსახურებს ასეთ ტერმინებს. მეორე, რაულ ხაჯინბამ იმ არჩევნებში და ისეთ არჩევნებში, როგორიც იქ ჩატარდა, რომელიც არ არის კონსტიტუციური და ლეგიტიმური - არც საერთაშორისო სამართლისთვის და არც არანაირი კონსტიტუციური სამართლისთვის, იმ პირობებში, იმ ვითარების გათვალისწინებით, რომელიც იქ არის, გამოდევნილი მოსახლეობის უმრავლესობის და ოკუპაციის გათვალისწინებით, არის არჩეული ლიდერი. ქართულ სახელმწიფოს არ აქვს ფუფუნება, აირჩიოს, ვის ელაპარაკოს აფხაზურ მხარეს. ქართული სახელმწიფო უნდა ელაპარაკოს იმათ, ვისაც იმ ფორმის და იმ ტიპის ლეგიტიმაცია აქვს, რაც დღეს მიიღო რაულ ხაჯიმბამ", - განაცხადა ხიდაშელმა.
მასალის გამოყენების პირობები
