როგორც, " ჯი-ეიჩ-ენს" ხელნაწერთა ეროვნული ცენტრიდან აცნობეს დასკვნით ეტაპზე გასულ კონკურსანტებს ჩაუტარდებათ შემეცნებითი საუბარი, რაც სკოლის მოსწავლეებს მესამე ტურის დავალებების შესრულებაში დაეხმარებათ. გამარჯვებულები 14 აპრილს „დედა ენის" დღეს გამოვლინდებიან.

კონკურსს „ქართული კალიგრაფია" ხელნაწერთა ეროვნული ცენტრი, განათლებისა და მეცნიერების სამინისტრო და არასამთავრობო ორგანიზაცია „წამი" ატარებენ.
კონკურსის ბოლოს I, II და III ადგილზე გასული მოსწავლეები გამოვლინდებიან 2 ასაკობრივ ჯგუფსა და ემიგრანტ მონაწილეებში. გარდა ამისა, დასახელდებიან სხვადასხვა ნომინაციაში გამარჯვებული მოსწავლეები. ნომინაციებს დაადგენს ჟიური, არსებული საკონკურსო მასალიდან გამომდინარე.
გამარჯვებული მოსწავლეები საქართველოს განათლებისა და მეცნიერების სამინისტროს მხრიდან მიიღებენ დიპლომებს და ფასიან საჩუქრებს: I ადგილზე გასული მოსწავლეები - წიგნის მაღაზიის 500 ლარის ღირებულების კუპონებს, II ადგილზე გასული მოსწავლეები - 400 ლარის ღირებულების კუპონებს, III ადგილზე გასული მოსწავლეები - 300 ლარის ღირებულების კუპონებს, ხოლო ნომინაციებში გამარჯვებული მოსწავლეები - 200 ლარის ღირებულების კუპონებს.
ასევე, ჯილდოებს დააწესებენ: საპატრიარიარქო, ხელნაწერთა ეროვნული ცენტრი, არასამთავრობო ორგანიზაცია „წამი" და სხვა მხარდამჭერი ორგანიზაციები.

კონკურსში მონაწილე მოსწავლეთა მიერ შექმნილი საუკეთესო კალიგრაფიული ნიმუშები გამოიფინება პროფესიონალ კალიგრაფთა ნამუშევრებთან ერთად და შეინახება ხელნაწერთა ეროვნულ ცენტრში;
გამარჯვებული მოსწავლეების ხელნაწერების გამოყენებით დაიბეჭდება ალბომი და 2011 წლის კალენდარი.