საქველმოქმედო ორგანიზაცია „ვაჩუქოთ მომავალს ღიმილი" აგრძელებს საერთაშორისო პროექტს სახელწოდებით - „კიბო განაჩენი არ არის!", რომელსაც ამა წლის 18 მაისს ათენში ჩაეყარა საფუძველი.
ღონისძიება, ათენის ქართული საკვირაო სკოლის დირექტორის დარეჯან ღამბაშიძის დახმარებით სპექტაკლ „ფიროსმანით" დაიწყო და 25 მაისს ათენის განათლებისა და კულტურის ცენტრ „კავკასიაში" ბატონ ავთანდილ მიქაბერიძის დახმარებით გაგრძელდა.
საღამოს,როგორც მუსიკალური ასევე პოეტური სახე ექნება,რასაც ხელნაკეთი ნივთებისა და ნახატების გამოფენა-გაყიდვაც დაემატება.
ღონისძიების მონაწილეები არიან :
1.გიტარისტი ბატ.გია ფეიქრიშვილი და ალექს პაპიაშვილი;
2.თამუნა შავერდაშვილი;
3.ჯაზმენი ბატ.რეზო კიკნაძე და მისი ბენდი;
4.ოთიკო ანდრიაძე;
5.ლუკა ნოზაძე;
6.ია ტომაში;
7.ნიკა კიკნაძე;
8.გიზო შანშიაშვილი.
9.თემო არაბული
10.თორნიკე ნაროზაული
საღამოს დაესწრებიან გლდანის შეზღუდული შესაძლებლობის მქონე ბავშვთა სახლის წარმომადგენლები.
მხატვრები: ქალბატონი მედეა კეიდია და ნინო ჩაკვეტაძე.
პროექტის მიზანია დამსწრე საზოგადოებამ,კიდევ ერთხელ, გაიცნოს ის საქმიანობა,რომელიც ორგანიზაციის დაარსებიდან დღემდე,უკვე 6 წელიწადს ითვლის. ასევე დაიმეგობროს ის კატეგორია ახალგაზრდებისა თუ უფროსებისა, რომლებიც გამოთქვამენ ორგანიზაციაში გაწევრიანების სურვილს და ჩართოს ისინი მის შემდგომ აქტივობებში.
რაც ყველაზე მთავარია - ერთად დავამტკიცოთ,რომ „კიბო განაჩენი არ არის!" და მიუხედავად ყველანაირი ასაკობრივი ბარიერისა - „მე შემიძლია შევცვალო!
მოსაწვევის საფასურია : 20 ლარი.
