დღეს საჯარო რეესტრის ეროვნული სააგენტოს თავმჯდომარე პაპუნა უგრეხელიძე სამცხე-ჯავახეთის ტერიტორიულ სამსახურების თანამშრომლებს შეხვდა და მათ მუშაობას ადგილზე გაეცნო.
თანამშრომლებთან შეხვედრაზე თავმჯდომარემ ტერიტორიული სარეგისტრაციო სამსახურებში ბოლო თვეების განმავლობაში განხორცილებული სამუშაოები შეაჯამა, განიხილა მიმდინარე პროექტები და სამომავლო ამოცანები.
შეხვედრაზე თავმჯდომარემ მოისმინა თანამშრომელთა მოსაზრებები სარეგისტრაციო პრაქტიკის სრულყოფასთან დაკავშირებით, სააგენტოში განხორციელებულ სტრუქტურულ ცვლილებებზეც ისაუბრა და განსაკუთრებით აღნიშნა რაიონის თანამშრომელთა მოსაზრებების გათვალისწინების და მათი შესაძლებლობები სწორი მიმართულებით გამოყენების მნიშვნელობა.
სააგენტოს თავმჯდომარის განცხადებით, სააგენტოს მენეჯმენტი ყველაფერს აკეთებს ერთიანი სარეგისტრაციო პოლიტიკის დასანერგად და რეგისტრაციის ხარისხის ასამაღლებლად. „ამისათვის სააგენტომ არაერთი ახალი პროექტი დანერგა, რომლებშიც რაიონული სამსახურების ჩართულობა უაღრესად მნიშვნელოვანია. სამცხე-ჯავახეთის უკანახაზი (ე.წ. „ბექოფისები") სრულადაა ცენტრალიზებული, ამჟამად ქაღალდის სააღრიცხვო ბარათების არქივირება მიმდინარეობს, რაც კონკრეტულ უძრავ ქონებასთან დაკავშირებული რეგისტრირებული მონაცემების სრული ისტორიის შექმნას და მონაცემთა ერთიან ელექტრონულ ბაზაში განთავსებას გულისხმობს. სამცხე-ჯავახეთის სხვადასხვა ტერიტორიულ სამსახურბში გაფანტული ქაღალდის არქივების მოწესრიგება და ცენტრალიზება, ფაქტიურად, დასრულებულია"- აღნიშნა პაპუნა უგრეხელიძემ.
სარეგისტრაციო პრაქტიკის დახვეწისა და სრულყოფის მიზნით, პაპუნა უგრეხელიძე უკვე ეწვია შიდა ქართლის, აჭარის, იმერეთისა და სამეგრელოს ტერიტორიულ სარეგისტრაციო სამსახურებს. რაიონული სამსახურების შემოვლა გრძელდება.
