„მოსამართლემ მოუსმინა იმ უტყუარ მტკიცებულებებს, რაც დაცვის მხარეს გააჩნდა და არ მიიღო ისინი მხედველობაში და შეასრულა ბიძინა ივანიშვილის კაპრიზი", - განაცხდა გიგი უგულავას პროცესის დასრულების შემდეგ ნაციოანალური მოძრაობის ერთ-ერთმა ლიდერმა გივი თარგამაძემ.
მისი თქმით, უგულავას დაკავება დედაქალაქის მერის არჩევნების მეორე ტურს უკავშირდება.
"ეს არის პირდაპირი ზეწოლა, რომ მათი უნიათო, უსახური კანდიდატი, რომელიც არის ერთი ადამიანის მონა, როგორმე გაათრიონ ამ არჩევნებზე ნებისმიერი მეთოდით", - განაცხადა თარგამაძემ.
მან ასევე აღნიშნა, რომ "ნაციონალური მოძრაობა" აქტიურ ბრძოლას გააგრძელებს.
" ჩვენ გავაგრძელებთ ბრძოლას ყველა ფრონტზე, გავაგრძელებთ შესაბამისი ძალისხმევით, ჩვენ ჩვენს ძალებს კიდევ უფრო გავაძლიერებთ. ჩვენ გავაგრძელებთ ბრძოლას დემოკრატიის ფუნდამენტური პრინციპების დასაცავად. ივანიშვილმა თავისი ოცნების დიდი ნაწილი განახორციელა, ამოიდო ფეხვეშ მთელი სასამართლო. როგორ ამთავრებენ ივანიშვილები და ჰაკიმ ფაშები თავის მოკლე პოლიტიკურ ცხოვრებას, ყველამ ვიცით", - განაცხადა თარგამაძემ.
შეგახსნებთ, რომ საქალაქო სასამართლომ დააკმაყოფილა პროკურატურის შუამდგომლობა და დედაქალაქის ყოფილ მერს გიგი უგულავას აღმკვეთი ღონისძიების სახით პატიმრობა შეუფარდა.
გიგი უგლავას შემოსავლების ლეგალიზაციასთან და მარნეულის ეპიზოდთან დაკავშირებით ბრალი დღეს წარედგინა.
საქართველოს მთავარმა პროკურატურამ გიგი უგულავასთვის აღკვეთი ღონისძიების შეფარდების შესახებ სასამართლოს დღეს მიმართა. პროკურატურა გიგი უგულავასთვის აღმკვეთი ღონისძიების სახით პატიმრობის შეფარდებას ითხოვდა.
