თავდაცვის ყოფილი მინისტრის ბაჩო ახალაიას განცხადებით, მიდის ვაჭრობა სასამართლოსა და პროკურატურას შორის მისი და გიგი უგულავას დაპატიმრებასთან დაკავშირებით. ამასთან ახალაიამ საქალაქო სასამართლოში მიმდინარე პროცესზე სასამართლოს ობიექტურობისკენ მოუწოდა.
"ვაჭრობა მიმდინარეობს სასამართლოსა და პროკურატურას შორის. ზუსტად ვიცი, რას ელაპარაკება სასამართლოს ღარიბაშვილი, რომ დაიჭირეთ გიგი უგულავა და გავუშვათ ახალაია. მოგიწოდებთ, ობიექტურები იყოთ და გაუშვით ის, ვინც გასაშვებია",- განაცხადა ბაჩო ახალაიამ.
