„თბილისის სასწავლო უნივერსიტეტსა" და პროფესიულ კოლეჯ „ორიენტირს" შორის მემორანდუმი გაფორმდა, რომლის ფარგლებშიც, კოლეჯის კრიმინალისტიკის (ფოტოდაქტილოსკოპისტი) მესამე, მეოთხე და მეხუთე საფეხურის საგანმანათლებლო პროგრამის სტუდენტები პრაქტიკულ სწავლებას „თბილისის სასწავლო უნივერსიტეტში" გაივლიან.
როგორც უნივერსიტეტის რექტორი, ეკონომიკურ მეცნიერებათა დოქტორი, პროფესორი სოლომონ პავლიაშვილი აცხადებს, სამართლის მიმართულების პრაქტიკული სწავლებისთვის „თბილისის სასწავლო უნივერსიტეტს" ყველა პირობა აქვს - სასწავლებელში ფუნქციონირებს მაღალი დონის კრიმინალისტიკის ლაბარატორია, რომელიც შესაბამის ინვენტარით არის აღჭურვილი. უნივიერსიტეტში იმიტირებული სასამართლო დარბაზიც ფუნქციონირებს.
„მზად ვართ, ხელი შეუწყოთ სამართლის მიმართულების სწავლებას ყველა დონეზე. ასევე, ჩვენთვის მნიშვნელოვანია თანამშრომლობა ისეთ ცნობილ პროფესიულ კოლეჯთან, როგორიც „ორიენტირია", - ამბობს სოლომონ პავლიაშვილი.
შეგახსენებთ: „თბილისის სასწავლო უნივერსიტეტს" ურთიერთთანაშრომლობის მემორანდუმი არართ სასწავლო დაწესებულებასა და ორგაიზაციასთან აქვს გაფორმებული. ახლახან კი, ანალოგიური მემორანდუმი პოლონეთის ერთ-ერთ ყველაზე პრესტიჟულ სახელმწიფო სასწავლებელთან გაფორმდა, რომელიც ევროპის უნივერისტეტების სამეულშია. ამ მემორანდუმით, „თბილისის სასწავლო უნივერისტეტის" სტუდენტებს შეუძლიათ, მაგისტრატურა ვარშავაში გაიარონ, სადაც ცხოვრება თვეში მხოლოდ 100 დოლარი დაუჯდებათ.
