საგარეო საქმეთა მინისტრი მაია ფანჯიკიძე ჟურნალისტებთან შეხვედრისას არჩევნების მეორე ტურის თარიღის დანიშვნას გამოეხმაურა და აღნიშნა, რომ ის დარწმუნებულია კოალიცია ,,ქართული ოცნების" თბილისის მერობის კანდიდატის დავით ნარმანაის გამარჯვებაში.
,,მე, რა თქმა უნდა, დარწმუნებული ვარ ,,ქართული ოცნების" კანდიდატის გამარჯვებაში. Mმას ძალიან დიდი უპირატესობა ჰქონდა პირველ ტურში და დარწმუნებული ვარ ეს შედეგი მეორე ტურში შენარჩუნდება და უფრო გაიზრდება მისი უპირატესობა", _განაცხადა ფანჯიკიძემ ჟურნალისტებთან შეხვედრისას და განმარტება დამკვირვებლებზეც გააკეთა.
,,დამკვირვებლებს რაც შეხება მეორე ტურს იგივე დამკვირვებლები დააკვირდებიან ვინც არჩევნებს პირველ ტურს აკვირდებოდა, ესენი არიან საელჩოები და რამდენიმე საერთაშორისო ინსტიტუტი, მაგალითად, ,, NDI", ,,IRI" _განაცხადა ფანჯიკიძემ.
მისივე განცხადებით, არჩევნების მეორე ტური ისეთივე წარმატებულად ჩატარდება როგორც პირველი ტური.
შეგახსენებთ, რომ 12 ივლისს ადგილობრივი თვითმმართველობის არჩევნების მეორე ტური გაიმართება.
