საქართველოს ყოფილი პრეზიდენტი თბილისის ყოფილი მერის დაკავებას ეხმიანება და აცხადებს, რომ კანონის მაღლა არავინ არ დგას, მაგრამ პოლიტიკური პროცესის ჩანაცვლება პროკურატურის და სასამართლოს მანიპულაციებით, მოკლევადიანი პროცესია და მთავრდება ძალიან ცუდად.
„თქვენ იცით, რომ აქ იგეგმებოდა შეხვედრა გიგი უგულავასი პოლიტიკურ ლიდერებთან. გუშინ ჩევნთან ერთად იყო ვიტალი კლიჩკო კიევის ახლად არჩეული მერი. ასევე კიშინოვში ადგილობრივი თვითმართველობის კონგრესი. ამ შეკრებაზე ჯერ ერთი მოტივით და მერე მეორე მოტივით გიგი უგულავა არ გამოუშვეს. ისევე როგორც მურთაზ ზოდელავა უნდა ჩ ჩამოსულიყო აქ, ერთ-ერთი ყველაზე პატიოსანი და წესიერი სამოქალაქო მოსამსახურე რომელიც გვყავდა. ასევე სრულად მოგონილი საბაბით ის შეაჩერეს და არ მისცეს საშუალება აქ ჩვენთან ჩამოსვლის. ნახეთ ის ინოვაციები, რომელიც უკავშირდებოდა აზერბაიჯანში ჩვენს დეპუტატებს, რამაც უარყოფითი რეაქცია გამოიწვია ბევრის, მათ შორის ჩვენი ტრადიციული მეგობრების და პარტნიორების. აქ მარტო საქართველოს საკითხი არ არის და ამიტომაც მინდა ვილაპარაკო. აქ არის საკითხი, ურთიერთობების ჩვენს მეგობრებთან უკრაინაში, ჩვენი ურთიერთობების ჩვენს მეგობრებთან აზერბაიჯანში, ჩვენი ურთიერთობების საერთაშორისო ორგანიზაციებთან, იგივე თვითმართველობის კონგრესთან. ასე არავინ ცივილიზებულ სამყაროში დიდიხანია აღარ მოქმედებს. პოლიტიკური პროცესი ეს არის პოლიტიკური პროცესი. რათქმა უნდა კანონის მაღლა არავინ არ დგას, მაგრამ პოლიტიკური პროცესის ჩანაცვლება პროკურატურის და სასამართლოს მანიკულაციებით, ყველგან არის ძალიან მოკლევადიანი და მთავრდება ძალიან ცუდად. ჩვენ არ გვჭირდება ახლა საქართველოს ექსესები და არ გვჭირდება საქარველოში შემდეგი გართულებები. ძალიან რთულ ვითარებაში იმყოფება ჩვენი ქვეყანა, ბევრი ობიექტური და სუბიექტური გარემოებების გამო. ეს ყველაფერი გაივლის, და ეს ყველაფერი რათქმა უნდა ცუდად დაუმთავრდება იმათ, ვინც ამას აკეთებს. მაგრამ მე არ მინდა იმათ ცუდად დამთავრებას გადაყვეს ასევე ქვეყნის ინტერესები და ქვეყანას წაუვიდეს საქმე ცუდად. ამიტომ ჩვენ ახლა უნდა ვიყოთ ძალიან მშვიდები და მობილიზებულები. ყველას ვაჩვენოთ, რომ საქართველო არ არის მხოლოდ მანიკულატორები და ასეთი ქმედებების დამგეგმავი და ჩამდენები, უფრო სწორედ დამგეგმავი მთავარი და მისი შემსრულებელი, რომ საქართველო არის უფრო მაგარი ხალხის ქვეყანა სადა შეუძლია ცივილიზებულად პოლიტიკური ქვეყნის წარმოება, დებატების წარმოებას, საარჩევნო კამპანიის წარმოებაც, ერთმანეთთან ურთიერთობაც და არ გადააყოლებს საკუთარ ინტერესებს ქვეყნის მომავალს.
რამდენადაც ვიცი გიგი დადიოდა წინ და უკან. ხვდებოდა ხალხს. არასოდეს არ დარჩენია სურვილი სადმე დარჩენის და თუ ვინმეს გონია, რომ მისი ასეთი დაკავებით პოლიტიკური პროცესი ჩაიშლება, რაღაც არჩევნებში გარდახეტა მოხდება, ხალხი დაშინდება და სხვა გადაწყვეტილებას მიიღებს. თუ ვინმეს გონია, რომ ერთ ადამიანზე, ან ჩემზე ან გიგიზე დგას ეს დიდი მოძრაობა, ვფიქრობ რომ ეს არის ძალიან მდარე და არასწორი აზროვნება. ეს არის ბევრად დიდი იდეა. ხალხი შეიძლება იცვლებოდეს მაგრამ საქართველოს განვითარების იდეას ვერანაირი მანიკულაციები ვერ შეაჩერებს. რაც უფრო ადრე გაიგებენ ისინი ამას, ვინც ამას აკეთებს მით უფრო კარგი იქნება ხალხისთვის და ქვეყნისთვის",- აღნიშნა სააკაშვილმა.
