კოალიცია ,,ქართული ოცნების" წევრი ლევან ბერძენიშვილი ,,ჯი-ეიჩ-ენთან" საუბარში თბილისის ყოფილი მერის გიგი უგულავას დაკავებას ეხმიანება და აცხადებს, რომ პასუხისმგებლობას ვერავინ ვერ გაექცევა. როგორც საკითხის კომენტირებისას ბერძენიშვილმა განმარტა უგულავამ თავად დააკავებინა სამართალდამცავებს თავი, რადგან ქვეყნის დატოვებით ის კანონს არღვევდა.
,,მინდა გითხრათ, რომ არავის არ ჰქონდა სურვილი მორატორიუმის დარღვევის, მაგრამ ბატონი გიგი უგულავა ბოლო დღეებია აშკარად ძალიან თავდაჯერებულად მიილტოდა ქვეყნიდან. მიუხედავად იმისა, რომ დაკითხვაზე დაბარებული იყო. ჩემი აზრით, ამ შემთხვევაში უგულავამ თავად გადაწყვიტა ის რაც მოხდა. პასუხისმგებლობას ვერავინ ვერ გაექცევა. Fფაქტობრივად, მისი აეროპორტში გამოჩენა დაცინვა იყო. მე რომ თქვენ დაკითხვაზე დამიბარებთ და გეტყვით რომ ფეხებზე მკიდია, რას ნიშნავს აპირებდა უკან დაბრუნებას? _ეს რა იურიდიული ტერმინია? Aადამიანი დაბარებულია დაკითხვაზე და უგულავა დაკითვის დღეს აპირებდა უცხოეთში ყოფნას. Eეს არის სულ. Aარანაირი მნიშვნელობა არ აქვს იმას აპირებდა თუ არ აპირებდა უგულავა საქართველოში დაბრუნებას, ფაქტია, რომ დაკითხვაზე მისვლას არ აპირებდა. ამით კი კანონს არღვევდა და მის მიმართ გამოყენებული იქა კანონიერი ქმედება. სასამართლოს გადასაწყვეტია რას შეუფარდებს აღმკვეთის ღონისძიებად უგულავას, მაგრამ დაკითხვაზე, რომ დაგიბარებენ, ცხადია, უცხოეთში ვერ წახვალ. Eეს ისეთი წესია, რომ უგულავა კი არა ვერავინ ვერ დაარღვევს. Aამიტომ უგულავამ ცინიკურად მიაღწია იმას რაც მიაღწია. ჩვენ კი არ დავაკავეთ უგულავა, მან თავად დააკავებინა თავი სინამდვილეში", _განაცხადა ,,ჯი-ეიჩ-ენთან" საუბარში ბერძენიშვილმა.
შეგახსენებთ, რომ თბილისის ყოფილი მერი თბილისის საერთაშორისო აეროპორტში ფინანსთა სამინისტროს საგამოძიებო უწყების წარმომადგენლებმა აიყვანეს. ამ დროისთვის ის მოდულის შენობაში იმყოფება.
შენობის მიმდებარე ტერიტორიაზე შეკრებილები არიან "ნაციონალური მოძრაობის" წარმომადგენლები.
უგულავა აეროპორტში დილის 06:00 საათზე დააკავეს, იმ დროს, როდესაც ის ,,ნაცმოძრტაობის" წევრი გიგა ბოკერია უკრაინაში მიემგზავრებოდნენ.
