თბილისის ყოფილი მერის გიგი უგულავას განცხადებით, იგი ქვეყნიდან გაქცევას არ აპირებს და ამით სიხარულს მთავრობას არ მიანიჭებს.
,, შემიძლია ვუთხრა ამ მთავრობას, მე მგონი, ოთხი ბრალი მაქვს წაყენებული და ეს თავიდანვე გადახარშული მქონდა და ამით თავს დიდად შეურაცხყოფილად არ ვთვლი. ეს თამაშის ნაწილად მიმაჩნია, მაგრამ გუშინ ამ სამარცხვინო შოთაძე-შარიკოვის გამოსვლის შემდეგ მართლა შეურაცხყოფილი ვარ. ამ ერთუჯრედიან არსებას და თუ გონია ვინმეს ხელისუფლებაში, ან ივანიშვილს, ან ღარიბაშვილს მივანიჭებ იმ ბედნიერებას რომ წავიდე, არ დავბრუნდე და ამით სალაპარაკო მივცე მათ ძალიან ცდებიან", _განაცხადა უგულავამ პროცესის დაწყებამდე.
შეგახსენებთ, რომ საქალაქო სასამართლო გიგი უგულავასთვის აღმკვეთის ღონისძიების შეფარდების საკითხზე მსჯელობს. პროკურატურა გიგი უგულავასთვის 50 000 ლარის ოდენობით გირაოს შეფარდებას ითხოვს. ასევე ითხოვს აღკვეთის დამატებითი ღონისძიების სახით პირადობის მოწმობისა და პასპორტის საგამოძიებო ორგანოსთვის ჩაბარების ვალდებულებას.
