სარეიტინგო კომპანია Fitch Ratings-ი, 2014-2015 წლებში, მსოფლიო ეკონომიკის ზრდის ტემპის დაჩქარებას პროგნოზირებს.
ყოველკვარტლური მიმოხილვის შედეგად ირკვევა, რომ უმსხვილესი ეკონომიკების ზრდის ტემპმა 2,7%-ი შეადგინა, ხოლო წლიური ზრდის ტემპი კი 3,1%-ი იქნება. სააგენტოს ინფორმაციით, ანალოგიური მაჩვენებლები შენარჩუნდება მომდევნო ორი წლის განმავლობაშიც და ეს მოხდება იმ ფონზე, როდესაც 2013 წელს ეკონომიკის ზრდის მაჩვენებელი მხოლოდ 2,4 %-ი იყო.
შესაბამისად გამოდის, რომ Fitch-მა ეკონომიკური ზრდის პროგნოზი 0,2 %-ით გაზარდა, ხოლო 2015 წლისთვის კი 0,1 %-ით.
როგორც Fitch-ის ეკონომისტები განმარტავენ, ევროზონის ეკონომიკისათვის საფრთხის შემცველი ამ ეტაპისათვის დეფლაციაა.
სააგენტოს ინფორმაციით, მიმდინარე წელს ევროზონის ეკონომიკა წელს 1,1%-ით გაიზრდება, 2015 წელს 1,5%-ით, ხოლო 2016 წელს კი 1,6%-ით.