საფრანგეთის ექსპრეზიდენტი ნიკოლა სარკოზი ოფიციალურად გახდა ეჭვმიტანილი სისხლის სამართლის საქმეზე გავლენით ვაჭრობის შესახებ. სარკოზი მოსამართლის წინაში 15-საათიანი დაკითხვის შემდეგ წარსდგა.
საფრანგეთის კანონმდებლობის მიხედვით, მოსამართლე ვალდებულია განიხილოს საქმის მასალები და მიიღოს გადაწყვეტილება იმის შესახებ, საკმარისია თუ არა მტკიცებულებები მისთვის ბრალის წასაყენებლად.
საქმეში სარკოზისთან ერთად ფიგურირებენ ადვოკატი ტიერი ერზოგი და მოსამართლე ჟილბერ აზიბერი.
საქმის დაწყებისას გამოძიება სწავლობდა ჰქონდა თუ არა 2007 წელს სარკოზის საარჩევნო შტაბს მიღებული სახსრები ლიბიის ყოფილი ლიდერის, მუამარ კადაფისგან.
აღნიშნულს დაემატა ჯერაც გადაუმოწმებელი ინფორმაცია იმის შესახებ, რომ სარკოზი შეჰპირდა მოსამართლე აზიბერს პრესტიჟულ პოსტს მონაკოში, გამოძიების მიმდინარეობის შესახებ ინფორმაციის მიწოდების სანაცვლოდ.
ერთ-ერთი ვერსიის მიხედვით, მოსამართლე აზიბერმა გააფრთხილა სარკოზის ადვოკატი, რომ მისი ტელეფონი ისმინებოდა.
სარკოზის განცხადებით, ყველა ბრალი მის წინააღმდეგ პოლიტიკურად მოტივირებულია. მისი მომხრეები აცხადებენ, რომ ყოველთვის, როდესაც სარკოზი დგამს ნაბიჯს დიდ პოლიტიკაში დასაბრუნებლად პრესაში ჟონავს ინფორმაცია სისხლის სამართლის საქმის შესახებ.
ფრანგი მემარჯვენეები აცხადებენ, რომ ეს ხდება მმართველი სოციალისტების ძალისხმევით.
