თბილისის სააპელაციო სასამართლოში საქართველოს ტექნიკური უნივერსიტეტის სტუდენტთა იმიტირებული პროცესების ოლიმპიადის ფინალი გაიმართა.
საქართველოს ტექნიკურ უნივერსიტეტში იმიტირებული პროცესების ოლიმპიადა სამართლის ყველა კურსის სტუდენტებს შორის ტარდება. მის ფარგლებში სტუდენტური ჯგუფები ერთმანეთს კაზუსების ამოხსნაში და სამართლებრივი ცოდნის დემონსტრირებაში ეჯიბრებიან, გუნდებს ჰყავთ მწვრთნელები, რომლებიც სტუდენტებს წარმატებისთვის საჭირო უნარ-ჩვევებს უვითარებენ.
თბილისის სააპელაციო სასამართლო, განგრძობადი განათლების პროექტის ფარგლებში, აქტიურად თანამშრომლობს სასწავლო დაწესებულებებთან სტუდენტების განათლების ხელშეწყობის კუთხით. სასამართლო მიესალმება ყველა ამგვარ საინტერესო პროექტს და მზადაა აქტიურად ჩაერთოს მსგავს წამოწყებებში.
