დღეიდან, 1-ელი ივლისიდან 2014-2015 სასწავლო-სააღმზრდელო წლისათვის ბავშვების რეგისტრაცია იწყება. საბავშვო ბაგა-ბაღების მართვის სააგენტოს ინფორმაციით, 1 ივლისიდან 5 ივლისამდე იმ სოციალურად დაუცველი ოჯახების 2- 6 წლამდე ასაკის ბავშვების რეგისტრირება მოხდება რომელთა სარეიტინგო ქულა არ აღემატება 200 000-ს, ასევე დარეგისტრირდებიან სპეციალური საგანმანათლებლო საჭიროების მქონე ბავშვები და ს.ს.ი.პ "სახელმწიფო ზრუნვის სააგენტო" -ს ფილიალის ჩვილ ბავშვთა სახლის ბენეფიციარები (შესაბამისი უფლებამოსილების მქონე დაწესებულების) მოწერილობის საფუძველზე.
ხოლო 5 ივლისიდან 10 ივლისამდე რეგისტრირდებიან უკვე დარეგისტრირებული ბავშვების დედმამიშვილები.
10 ივლისიდან კი დარეგისტრირდება უწყვეტად ყველა ბავშვი.
საბავშვო ბაგა-ბაღების მართვის სააგენტოს ინფორმაციით, რეგისტრაცია დაიწყება 09:00 საათზე.
მათივე ინფორმაციით, ახალი 2014-2015 სასწავლო - სააღმრზდელო წლისათვის, ბაგა ბაღებში ელექტრონული რეგისტრაცია შესაძლებელია ბავშვებისათვის, რომლებიც 2014 წლის 8 სექტემბრისთვის არიან 2 წლის, ასევე, ბავშვები რომლებსაც 8 სექტემბრისთვის არ შესრულებიათ 6 წელი.
