"ერთიანი ნაციონალური მოძრაობის" ლიდერები - დავით ბაქრაძე და გიგა ბოკერია - საქართველოში ვიზიტად მყოფ შვედეთის საგარეო საქმეთა მინისტრ კარლ ბილდტს შეხვდნენ. როგორც ჟურნალისტებთან საპარლამენტო უცირესობის ლიდერმა დავით ბაქრაძემ განაცახდა შეხვედრაზე მიმდინარე არჩევნებსა და შიდაპოლიტიკურ ვითარებაზე ისაუბრეს.
"კარლ ბილდტი არის ერთ-ერთი არქიტექტორი იმ ევროპული პოლიტიკისა, რომლის ფარგლებშიც ხელი მოვაწერეთ ასოცირების შეთანხმებას, ამიტომ ამ ადამიანს უზარმაზარი ღვაწლი აქვს ჩვენი ქვეყნის წინაშე. ჩვენი ევროპული ინტეგრაციის გაგრძელება, ევროპული პერსპექტივა; საფრთხეები, რომლებიც არსებობს საქართველოში, რუსული პოლიტიკიდან გამომდინარე; მიმდინარე არჩევნები და შიდაპოლიტიკური სიტუაცია - ეს იყო ის ძირითადი თემები, რაზეც გვქონდა ძალიან კარგი, გულახდილი საუბარი", - განაცხადა დავით ბაქრაძემ.
