კოალიცია ,,ქართული ოცნების" ერთ-ერთი ლიდერი ირაკლი ჩიქოვანი თბილისის ყოფილი მერის გიგი უგულავას დაკითხვაზე დაბარებას ეხმიანება და აცხადებს, რომ მას არ გაჰკვირვებია უგულავას საგამოძიებო უწყებაში დაბარება.
,,არ მიკვირს, რომ გიგი უგულავა ფინანსურ პოლიციაშია დაბარებული, რადგან ალბათ, მის მიმართ ბევრი კითხვა არსებობს და კიდევ უფრო ბევრი კითხვა გამოჩნდება ნელ-ნელა, რაც დრო გაივლის, _აცხადებს ჩიქოვანი.
შეგახსენებთ, გიგი უგულვა ფინანსურ პოლიციაში დაკითხვაზე იმყოფება. იგი საგამოძიებო უწყებაში ადვოკატებთან ერთად გამოცხადდა. ჯერჯერობით, უცნობია რა თემაზე იკითხება თბილისის ყოფილი მერი.
