საქართველოში 2 ივლისიდან 7 ივლისამდე არამდგრადი ამინდი შენარჩუნდება და ტემპერატურაც შედარებით დაიკლებს. როგორც ,,ჯი-ეიჩ-ენთან" საუბარში გარემოს ეროვნული სააგენტოს მთავარმა სინოპტიკოსმა დოდო გვაზავამ განაცხდა ხანმოკლე წვიმა ელჭექით დღესაც შენარჩუნდება, ხვალ 1-ელი ივლისიდან კი წვიმის ინტენსიობა იკლებს.
,,საქართველოს უმეტეს რაიონში, დღის მეორე ნახევრიდან, ხანმოკლე ხასიათის წვიმას ველოდებით. აღმოსავლეთ საქართველოს ზოგიერთ რაიონში, ასევე მოსალოდნელი სეტყვა. ხვალ, 1-ელ ივლისიდან წვიმის ინტენსიობა შემცირდება, შედარებით გამოიდარებს, განსაკუთრებით დასავლეთ საქართველოში, სადაც ტემპერატურის მომატებას 30-35 გრადუსამდე ველოდებით", _განაცხადა ,,ჯი-ეიჩ-ენთან" საუბარში დოდო გვაზავამ.
მისივე განცხადებით 2 ივლისიდან ამინდი კვლავ გაუარესდება.
,,ორი ივლისიდან საქართველოს მთელს ტერიტორიაზე, განსაკუთრებით კი დასავლეთ საქართველოს უმეტეს რაიონებში მოსალოდნელია ხანმოკლე წვიმა ელჭექით, გაძლიერდება დასავლეთის ქარი და ჰაერის ტემპერატურაც დაიკლებს და 27-28 გრადუსამდე შენარჩუნდება. Aასევე ორი ივლისიდან გამორიცხული არ არის რომ აღმოსავლეთ საქართველოს ზოგიერთ რაიონებში გაძლიერდეს დასავლეთის ქარი, მოსალოდნელია სეტყვაც", _განაცხადა ,,ჯი-ეიჩ-ენთან" საუბარში დოდო გვაზავამ.