,,საქართველოს ახალგაზრდა კონსტიტუციონალისტთა ასოციაცია" 2014 წლის ადგილობრივი თვითმმართველობის არჩევნების მეორე ტურის დანიშვნის საკითხს ეხმიანება და მიიჩნევს, რომ მოქმედი კანონმდებლობით ცესკოს არჩევნების დანიშვნის შესახებ განკარგულების გამოცემა შეუძლია 9 ივლისის ჩათვლით, იმ შემთხვევაში თუ ცესკოს შემეჯამებელი ოქმი სასამართლოში არ გასაჩივრდა.
,,ახალგაზრდა კონსტიტუციონალისტთა ასოციაციაციის" იურისტის, ოლიკო კობახიძის განცხადებით მოწოდებები ცესკოს მიმართ, დაჩქარებულ რეჟიმში მიიღოს გადაწყვეტილება არჩევნების დანიშვნასთან დაკავშირებით, სამართლებრივ საფუძველს მოკლებულია.
,,მეორე მხრივ, ცესკომ შესაძლებელია გაითვალისწინოს რეკომენდაციები უშუალოდ არჩევნების თარიღთან დაკავშირებით, რომელიც საარჩევნო კანონმდებლობიდან გამომდინარე, შესაძლებელია თბილისში ჩატარდეს არაუგვიანეს 29 ივლისისა, ხოლო დანარჩენ თვითმმართველ ერთეულებში
არაუგვიანეს 20 ივლისისა"-განაცხადა დღეს გამართულ ბრიფინგზე, ოლიკო კობახიძემ.
,,საქართველოს ახალგაზრდა კონსტიტუციონალისტთა ასოციაცია" რეკომენდაციით მიმართავს ცენტრალურ საარჩევნო კომისიას, ადგილობრივი თვითმმართველობის არჩევნების მეორე ტური ყველა თვითმმართველ ქალაქსა და თემში ჩატარდეს ერთ დღეს, პარალელურ რეჟიმში, რაც ხელს შეუწყობს არჩევნების ჩაატარებაზე დასახარჯი რესურების დაზოგვას. ასოციაციის მიაჩნია, რომ ოპტიმალური თარიღი კენჭისყრის დღისთვის შეიძლება იყოს 20 ივლისი, კვირა დღე. რამეთუ ამ თარიღისთვის გასულია არჩევნების დასანიშნად საჭირო ყველა მაქსიმალური ვადა, ამასგარდა, მიზანშეწონილია არჩევნები დაინიშნოს აქტიური საშვებულებო პერიოდის დაწყებამდე, რამაც შეიძლება მნიშვნელოვანი გავლენა არჩევნებზე დაფიქსირებულ აქტივობაზე იქონიოს.
