ამერიკის სავაჭრო პალატამ საქართველოში (AmCham Georgia) ამერიკის საელჩოსთან ერთად ამერიკის დამოუკიდებლობის დეკლარაციის ხელმოწერიდან 238 წლის იუბილეს აღსანიშნავად ოჯახურ პიკნიკს უმასპინძლა. ამერიკელმა, ქართველმა და ინტერნაციუნალურმა ოჯახებმა ერთად ისიამოვნეს ამერიკული სტილის ‘ბარბექიუ'-თი, ამერიკული და ქართული ბენდების მიერ შესრულებული ცოცხალი მუსიკით და როგორც ბავშვებისთვის, ისე უფროსებისთვის ორგანიზებული გასართობი თამაშობებით. ბავშვების მხიარულ განწყობაზე ჯამბაზები და სახის მომხატველებიც ზრუნავდნენ, მაშინ როცა უფროსები თავს ამერიკელებისთვის ტრადიციული როდეოს ხარითა და ცნობილი კარიკატურისტების, ზალიკოს და კემოს, ნახატებით ირთობდნენ. ღონისძიება შთამბეჭდავი ფეიერვერკების სანახაობით დასრულდა.
ამერიკის შეერთებული შტატების ელჩმა საქართველოში რიჩარდ ნორლანდმა და ამერიკის სავაჭრო პალატის პრეზიდენტმა სარა უილიამსონმა 1000-ზე მეტ სტუმარს უმასპინძლეს, რასაც მოჰყვა ამერიკის ნაციონალური ჰიმნის შესრულება და ყველასათვის მოულოდნელი ფლეშმობი.
1776 წლის 4 ივლისს, ამერიკის შეერთებული შტატების მეორე კონტინენტალურმა კონგრესმა ერთსულოვნად მიიღო დამოუკიდებლობის დეკლარაცია. ყველა ადამიანის თანასწორობა ერთ-ერთი ყველაზე დასამახსოვრებელი და ღირებული განაცხადია დეკლარაციაში.
დღეს, AmCham-ისა და ამერიკის საელჩოს საზოგადოება აღნიშნავს არა მხოლოდ ამერიკის დამოუკიდებლობის დღეს, არამედ პარტნიორობას ჩვენ ქართველ მეგობრებსა და კოლეგებთან, რაც AmCham-ის ერთ-ერთი უპირველესი მისიაა საქართველოში. AmCham-ი რომელიც 1998 წელს დაფუძნდა, წარმოადგენს 150-ზე მეტ ქართულ და ამერიკულ კომპანიას, რაც მას აქცევს ყველაზე დიდი ბიზნეს ასოციაციად საქართველოში, რომელიც მიზნად ისახავს ამერიკასა და საქართველოს შორის ბიზნეს და ეკონომიკური ურიერთობების გაღრმავებას და საქართველოში ბიზნეს გარემოს გაუმჯობესებას.