,,ნაცმოძრაობის" წევრი გიორგი ბარამიძე ევროკავშირთან ასოცირების ხელშეკრულების ხელმოწერას ეხმიანება და აცხადებს, რომ საქართველომ დაასრულა ერთი მრავალწლიანი ეტაპი და ახლა იწყებს ბევრად გაღრმავებული ინტეგრაციის პროცესს, რომელიც ევროკავშირში გაწევრიანებით დასრულდება.
,,მინდა მივულოცო ჩვენს ქვეყანას და ხალხს ევროპის კავშირთან ასოცირების ხელშეკრულების ხელმოწერა. საქართველომ დაასრულა ერთი მრავალწლიანი ეტაპი და ვიწყებთ შემდგომ, იმედი მაქვს, ბევრად გაღრმავებული ინტეგრაციის პროცესს, რომელიც ევროკავშირში გაწევრიანებით დასრულდება. ამისათვის საქართველოს მთავრობამ და საზოგადოებამ შესაბამისად ეფექტიანად უნდა გამოიყენოს ის შესაძლებლობები, რასაც გვაძლევს ეს ხელშეკრულება ეკონომიკური, დემოკრატიული განვითარებისა და ტერიტორიული მთლიანობის მშვიდობიანად აღდგენის თვალსაზრისით. მადლობა ყველას ვინც თავისი წვლილი შეიტანა დღევანდელ წარმატებაში!", _აცხადებს ბარამიძე.
