პრეზიდენტ გიორგი მარგველაშვილის განცხადებით, მთელი რეგიონი და მათ შორის საქართველო სერიოზული გამოწვევების წინაშე დგას თავდაცვისა და უსაფრთხოების სფეროში. როგორც მარგველაშვილმა ბათუმში მიმდინარე თავდაცვისა და უსაფრთხოების კონფერენციაზე სიტყვით გამოსვლისას განაცხადა აუცილებელია ამ გამოწვევებს დროული პასუხი გაეცეს.
,,ეს კონფერენცია დროული ღონისძიებაა რადგან საქართველო და მთელი რეგიონი სერიოზული გამოწვევების წინაშე დგას თავდაცვისა და უსაფრთხოების სფეროში. Aამ გამოწვევებს დროული პასუხი ესაჭიროება. ჩვენ აქტიურად ვახორციელებთ თავდაცვისა და უსაფრთხოების სისტემების რეფორმირებას. საერთაშორისო მისიებში მონაწილეობით კი გამოვხატავთ ჩვენს პასუხისმგებლობას საერთაშორისო უსაფრთხოების მიმართ", _განაცხადა მარგველაშვილმა.
შეგახსენებთ, რომ დღეს, 27 და ხვალ, 28 ივნისს ბათუმში, სასტუმრო „შერატონში" საქართველოს თავდაცვისა და უსაფრთხოების კონფერენცია გაიმართება.
კონფერენციას საქართველოს თავდაცვის მინისტრი ირაკლი ალასანია გახსნის.
საერთაშორისო ფორუმის მონაწილეებს სიტყვით მიმართავს საქართველოს პრეზიდენტი გიორგი მარგველაშვილი. კონფერენციას დახურავს საქართველოს პრემიერ-მინისტრი ირაკლი ღარიბაშვილი.
კონფერენცია ხვალ, 28 ივნისს 13:30 საათზე დაიხურება.
