პრეზიდენტი გიორგი მარგველაშვილი ევროკავშირთან ასოცირების ხელშეკრულების ხელმოწერას ეხმიანება და აცხადებს, რომ იგი ქვეყანაში დემოკრატიულ ინსტიტუტებს გააძლიერებს და საჭიროებებზე ორიენტირებულ მთავრობას შექმნის. როგორც პრეზიდენტმა ბათუმში მიმდინარე თავდაცვისა და უსაფრთხოების კონფერენციაზე განაცხადა ასოცირების ხელშეკრულება ეკოლოგიურ, საგანმანათლებლო სისტემებს გააძლიერებს და აიყვანს ევროპულ დონეზე.
,,ის გაზრდის ტურისტულ მიმართულებას, ეკოლოგიურ, საგანმანათლებლო სისტემებს გააძლიერებს და აიყვანს ევროპულ დონეზე. ამ თვალსაზრისით, ასევე მნიშვნელოვანია იმის ხაზგასმა, რომ ასოცირების ხელშეკრულება, რომელსაც რამდენიმე საათში მოეწერება ხელი, ეს იქნება დასაწყისი იმ პროცესისა, რომელსაც ჩვენი პოლიტიკური ხელმძღვანელობა და მთელი ერი აცხადებდა ძალიან მტკიცედ და მყარად", - განაცხადა მარგველაშვილმა.
