ერთიანი ეროვნული გამოცდები, ქართული ენისა და ლიტერატურის გამოცდით დაიწყო. 8:00 საათზე რეგისტრაცია 8500-მდე აბიტურიენტმა 19 საგამოცდო ცენტრში ერთდროულად გაიარა.
წელს, არსებულ საგამოცდო ცენტრებს დაემატა თბილისის 117-ე, 161-ე და 133-ე სკოლები. ასევე, ქუთაისის მე-17 საჯარო სკოლაში იფუნქციონირებს საგამოცდო სექტორები. ხოლო ქუთაისისა და თელავის სახელმწიფო უნივერსიტეტებიდან საგამოცდო ცენტრები გადმოტანილია ქუთაისის პირველ და თელავის მე-8 საჯარო სკოლებში.
ყველა საგამოცდო ცენტრში გახსნილია სამედიცინო პუნქტი, რომელიც აღჭურვილია პირველადი დახმარებისათვის საჭირო მედიკამენტებით, ნებისმეირი სახის ინცინდენტის თავიდან ასაცილებლად კი ცენტრების მიმდებარე ტერიტორიაზე მორიგეობს სასწრაფო დახამრების მანქანა, სამაშველო სამსახური და საპატრულო პოლიცია.
ერთიანი ეროვნული გამოცდებისთვის წელს 36 000 - მდე აბიტურიენტი დარეგისტრირდა.
პედაგოგთა სასერტიფიკაციო გამოცდისთვის 20 000-მდე აპლიკანტი, სტუდენტთა საგრანტო კონკურსისთვის 4500-მდე სტუდენტი, ხოლო საერთო სამაგისტრო გამოცდისთვის 12 000-მდე აპლიკანტმა გაიარა რეგისტრაცია.
