,,არჩევნებისა და პოლიტიკური ტექნოლოგიების კვლევის ცენტრის" დირექტორი კახა კახიშვილი ,,ჯი-ეიჩ-ენთან" საუბარში აცხადებს, რომ ,,ქართულმა ოცნებამ" გაანალიზა საფრთხეები რომელიც, შესაძლებელია, მოყვეს არჩევნების შედეგების მარნეულში და მერაბ თოფჩიშვილს ურჩია მოხსნას საკუთარი კანდიდატურა.
,,ქართულმა ოცნებამ" შეაფასა საკუთარი კანდიდატის შანსები, ალბათ, გაანალიზა ის საფრთხეები რომელიც შესაძლებელია მოყვეს არჩევნების შედეგების შეჯამებას კონკრეტულად მარნეულში და მიიღო გადაწყვეტილება კანდიდატის მოხსნის შესახებ. თუმცა უმჯობესი იქნებოდა მანამდე გაეანალიზებინათ ყველა გამგებლობის კანდიდატის შანსი. ვფიქრობ, ,,ქართული ოცნებისთვის" ეს გახდება კარგი გაკვეთილი შემდგომში არჩევნებში საკუთარი კანდიდატების დასახელებამდე მათი შანსების შეფასებისა და გაანალიზებისთვის. ,,ქართული ოცნება" როგორც ჩანს, მიხვდა რომ ყველაფერი დამოკიდებული არ არის იმ სურვილზე ვისი ნახვა სურთ კონკრეტულ რაიონში, ან კონკრეტულ თანამდებობაზე, მთავარია, რა დოზის მხარდაჭერით სარგებლობს ესა თუ ის კანდიდატი", _განაცხადა კახიშვილმა.
კახიშვილის განცხადებით, ქართულმა ოცნებამ", აღნიშნული გადაწყვეტილებით "ნაციონალურ მოძრაობას" მიკროგამარჯვების შანსი მისცა.
,,ქართულმა ოცნებამ", აღნიშნული გადაწყვეტილებით ნაწილობრივ, "ნაციონალურ მოძრაობას" მიკროგამარჯვების შანსი მისცა, მაგრამ გრძელვადიან პერსპექტივაში ეს მიანიშნებს იმაზე რომ ხელისუფლება უფრო დაფიქრდება საკუთარ გადაწყვეტილებებზე. Eეს ხელისუფლება ,,ნაცმოძრაობის" ხელისუფლებისგან განსხვავდება იმით რომ საკუთარ შეცდომებს მაინც აღიარებს, თუმცა შეცდომების გამოსწორების პრობლემას ვერ ხედავს. იმედს ვიტოვებ, რომ ხელისუფლებას შეცდომებზე პოსტფაქტუმ რეაგირება არ მოუწევს და იმ ეტაპზე გადავა სანამ შეცდომას დაუშვებს პრევენციულად ყველა გადაწყვეტილებას გაანალიზებს", _განაცხადა ,,ჯი-ეიჩ-ენთან" საუბარში კახიშვილმა.
შეგახსენებთ, ქართული ოცნების" პოლიტსაბჭომ მიიღო გადაწყვეტილება, ურჩიოს მარნეულში გამგებლობის საკუთარ კანდიდატს მოხსნას საკუთარი კანდიდატურა.
