საქართველოს პირველი ლედის სანდრა რულოვსის შეფასებით, ქართველ ხალხს გამარჯვება სჭირდება და ასე უნდა განაგრძოს.
ამის შესახებ პირველმა ლედიმ საქართველო-რუსეთის ეროვნული ნაკრების თამაშის დასრულების შემდეგ განაცხადა.
"ძალიან მიხარია, რომ დრეს მოვიგეთ. ბედნიერი ვარ. ჩვენ გვჭირდება გამარჯვება და ასე უნდა განვაგრძოთ. ბრწყინვალე თამაში იყო, რუსეთის ნაკრები თამაშის არსად არ ჩანდა", - აღნიშნა რულოვსმა.
შეგახსენებთ, რომ საქართველოს რაგბის ეროვნულმა ნაკრებმა რუსეთის 36:8 მოუგო. თურქეთის ქალაქ ტრაბზონში აქჩაბაათის სტადიონზე გამართულ შეხვედრაზე ქართველი მორაგბეების უპირატესობა თამაშის დაწყების პირველი წუთიდანვე გამოიკვეთა. ქართველებმა პირველი ლელო მატჩის დაწყებიდან 5 წუთის შემდეგ დადეს.
საქართველოს ნაკრების გასამხნევებლად თურქეთში ათასობით ქართველი გულშემატკივარი დაესწრო, მათ შორის საქართველოს პირველი ლედი სანდრა რულოვსი, პარლამენტის თავმჯომარე დავით ბაქრაძე, გაეროში საქართველოს წარმომადგენელი ალექსანდრე ლომაია, კულტურის, ძეგლთა დაცვის მინისტრი ნიკოლოზ რურუა და სხვა ქართველი პოლიტიკოსები. გარდა საქართველოდან ჩასული გულშემატკივრებისა, დღევანდელ შეხვედრას ტრაბზონში მცხოვრები ქართველებიც დაესწრნენ.
აღსანიშნავია, რომ საქართველოს ნაკრებს და ქართველ გულშემატკივრებს თურქებმა საკმაოდ თბილი და ორგანიზებული დახვედრა მოუწყვეს. ისინი საქართველოს ნაკრებს აქტიურად გულშემატკივრობდნენ.
ის გულშემატკივრები, კი რომლებიც თურქეთში ვერ წავიდნენ საქართველოს ნაკრების გამარჯვებას თბილისის ივენთ ჰოლში, რაგბის ქომაგთა კლუბში აღნიშნავენ.
