ქართული მხარე ცხინვალში დაკავებული მოქალაქეების დაკავების შესახებ ინფორმაციას არ ფლობს.
როგორც "ჯი-ეიჩ-ენს" საქართველოს შინაგან საქმეთა სამინისტროს საინფორმაციო ანალიტიკური განყოფილების ხელმძღვანელმა შოთა უტიაშვილმა განუცხადა, ოსი სეპარატისტების და რუსეთის საოკუპაციო საჯაროსო ნაწილების მიერ დღეს ე.წ. საზღვრის ე.წ. უკანონო გადაკვეთაზე საქართველოს მოქალაქეების დაკავების ფაქტზე არანაირ ინფორმაციას არ ფლობს, აქედან გამომდინარე დაკავებულების ვინაობაც უცნობია.
ამასთან, შსს შიდა ქართლის სამხარეო სამართველოს უფროსოს ვლადიმერ ჯუღელის განმარტებით, ამ დრომდე სეპარატისტების მიერ საქართველოს მოქალაქეების დაკავების შესახებ ინფორმაცია არ შემოსულა.
შეგახსენებთ, რომ ცხინვალის მარიონეტული რეჟიმის ე.წ. მესაზღვრეებმა და რუსეთის საოკუპაციო ძალებმა დღეს საქართველოს 4 მოქალაქე ე.წ. საზღვრის ე.წ. უკანონო გადაკვეთისთვის დააკავეს. ამის შესხებ სააგენტო "რესი" იუწყება.
მათი ინფორმაციით, 07:10 საათზე სოფელ ქლეთთან ახლოს რუსის საოკუპაციო ჯარის წარმომადგენლებმა და ოსმა სეპარატისტებმა ე.წ. სამხრეთ ოსეთის ე.წ. მოქალაქე მამაკაცი და საქართველოს მოქალაქე ქალი დააკავეს, რომლებიც ოკუპირებული ტერიტორიიდან ქართული მხარის მიერ კონტროლირებად ტერიტორიაზე გადმოსვლას ცდილობდნენ. ასევე, 08:17 საათზე ახალგორის რაიონის სოფელ წინაგარასთან ახლოს ე.წ. სამხრეთ ოსეთში შესვლის მცდელობისას კიდევ ორი პირი იქნა დაკავებული, რომლებსაც თან პირადობის დამადასტურებელი არანაირი დოკუმენტი არ ჰქონდათ.
ოკუპანტების ინფორმაციით, დაკავებულებმა განაცხადეს, რომ ისინი საქართველოს მოქალაქეები არიან.
