კრისტის აუქციენზე პაბლო პიკასოს მიერ 1903 წელს დახატული ანხელ ფერნანდეს დე სატოს პორტრეტი ("აბსენტის მოყვარული") 45-60 მლნ დოლარადაა გატანილი. ეს არის ყველაზე დიდი თანხა, რომელითაც ოდესმე წინასწარ შეფასებულა გასაყიდად გატანილი ხელოვნების ნიმუში.
სურათი გასაყიდად ცნობილმა ინგლისელმა კომპოზიტორმა ენდრიუ ლოიდ უებერმა გაიტანა. აუქციონი 23 მარტს ლონდონში გაიმართება. სურათის გაყიდვიდან მიღებული სრული თანხა კომპოზიტორის საქველმოქმედო ფონდს გადაეცემა.
"აბსენტის მოყვარული" აუქციონზე 2006 წელსაც იქნა გამოტანილი, მაგრამ მაშინ ვაჭრობმადე ერთი დღით ადრე იგი გაყიდვიდან მოიხსნა. აღნიშნულის მიზეზი კოლექციონერ იულიუს შოპსის სარჩელი გახდა, რომლის მიხედვითაც სურათი ნაცისტების მიერ მისი ოჯახის კოლექციიდან იქნა ამოღებული და შესაბამისად მის საკუთრებას წარმოადგენდა. სადავო საკითხი მოგვიანებით გადაიჭრა.
კრისტისAუქციონზე რეკორდი ეკუთვნის ჯაკომეტის სკულპტურას, რომლის გასაყიდმა ფასმა 104,3 მილიონი დოლარი შეადგინა. 2004 წელს კი პიკასოს "ბიჭი ჩიბუხით" 104,2 მილიონ დოლრად გაიყიდა.
