"ალიანსი საქართველოსთვის" მერობის კანდიდატის ირაკლი ალასანიას განცხადებით, ალიანსი თვითმმართველობის არჩევნებში მაჟორიტარი დეპუტატობის კანდიდატებს უახლოეს დღეებში დაასახელებს.
ამის შესახებ ალასანიამ დღეს ბერძენი ეროვნების მოსახლეობასთან შეხვედრისას განაცხადა.
"რადგან არჩევნები ოფიციალურად დაინიშნა, ჩვენ მაჟორიტარი კანდიდატები უკვე შერჩეული გვყავს და მათ საზოგადოებას უახლოეს დღეებში წარვუდგენთ",- აღნიშნა ალასანიამ და აქვე დასძინა, რომ ეს არჩევნები იმედის არჩევნები იქნება, ვინაიდან მიღწეული უნდა იყოს მთავარი გამარჯვება - არჩევნების გზით შეიცვალოს ხელისუფლების გარკვეული დონე.
მივე თქმით, იგი საარჩევნო კამპანიის ფარგლებში დედაქალაქის ამომრჩეველს ყოველდღიურად შეხვდება.