საქართველოს პარლამენტის თავმჯდომარე დავით ბაქრაძე ამომრჩეველთა სიების მონიტორინგთან დაკავშირებით პოლიტიკური პარტიების აქტიურობით კმაყოფილია.
"მე დღეს ვესაუბრე ცესკო თავმჯდომარეს და მისგან მივიღე ინფორმაცია, თუ რა ვითარებაა ამომრჩეველთა სიების კუთხით. მან მითხრა, რომ პარტიები მონიტორინგის პროცესში აქტიურად მონაწილეობენ. უკვე შესულია ცესკოში სიებში აღმოჩენილ უზუსტობებთან დაკავშირებით დასაბუთებული ინფორმაცია და საარჩევნო კომისია მზად არის ის განიხილოს. მოვუწოდებ ყველა პარტიას, მაქსიმალურად გამოიყენონ მათთვის გამოყოფილი დრო და რესურსი და ცესკოს აღმოჩენილ დარღვევებთან დაკავშირებით ინფორმაცია დროულად მიაწოდონ", - განუცხადა ბაქრაძემ ჟურნალისტებს აღნიშნულ საკითხზე კომენტირებისას.
მისივე განმარტებით, "ახლა არსებობს კარგი შესაძლებლობა იმისთვის, რომ ამომრჩეველთა სიებში აღმოჩენილი უზუსტობის თემა ერთხელ და სამუდამოდ დაიხუროს".
"ჩვენ ამაში ყველამ უნდა შევიტანოთ წვლილი", - განმარტა ბაქრაძემ.
